ಕವನ: "ಬಡವನ ಸೇವೆ ಭಗವಂತನ ಸೇವೆ"

[ಮೇ 7 “ಗುರೂಜಿ” ಎಂದೇ ಪ್ರಸಿದ್ಧರಾದ ರವೀಂದ್ರನಾಥ ಟಾಗೋರ್‍ರವರ ಜನ್ಮದಿನ. ಈ ಸಂದರ್ಭದಲ್ಲಿ ಅವರ ಕವನ True Worship of God is to Serve Poor  ಇದರ ಅನುವಾದವನ್ನು ಪ್ರಕಟಿಸುತ್ತಿದ್ದೇವೆ]

ನೀನಾರ ಧ್ಯಾನವನು ಗೈಯುತಿಹೆ ಮೂಲೆಯೊಳು

ಮುಚ್ಚಿದಾ ಕಿಟಕಿಗಳ ಗುಡಿಯೊಳಗೆ ಒಂಟಿಯೊಳು?    

ಬಿಸುಡಲ್ಲಿ ಮಣಿಸರವ, ಗೀತೆಗಳ ಪಠನೆಯ

ಕಣ್ತೆರೆದು ನೋಡೆದುರು, ದೇವ ಗುಡಿಯೊಳಗಿಲ್ಲ||

ಗಟ್ಟಿನೆಲವನು ಬಿಡದೆ ಸತತ ಉಳುವವನಾ

ಕಲ್ಲನೊಡೆಯುತೆ ನುಣುಪುದಾಂ ಮಾಡುವನಾ;

ಮನದೊಳಗೆ ಅನವರತ ನೆಲೆಸಿರುವನು.

ಧೂಳಿನರಿವೆಯೊಳು ದೇವ ದುಡಿಯುತಿರೆ,

ಇಳಿ ಬಿಸುಟು, ನಿಲುವಂಗಿ, ಧೂಳಿನೊಳಗೆ||

ಜಗದ ಸೃಷ್ಟಿಯ ದೇವ ಬಿಡದೆ ಹೊತ್ತಿರುವಲ್ಲಿ

ಮುಕ್ತಿಯೆಂಬುದ ನೀನದೆಲ್ಲಿ ಪಡೆಯುವೆ ಮನುಜಾ?

ನಲವಿಂದ ದೇವ ತಾ ದುಡಿಯುತಿಹನು ;

ದುಡಿವರೊಳು ಅನವರತ ಬೆರೆತಿರುವನು||

ಜಪವ ಮಂತ್ರಗಳ ನಿಲಿಸಿ ಹೊರಗೆ ಬಾ;

ಧೂಪ ಪುಷ್ಪಗಳನಿರಿಸಿ ಹೊರಗೆ ಬಾ;

ಮಡಿಯರಿದರೇನಂತೆ? ಕೊಳಕಾದರೇನಂತೆ?

ನೋಡವನ ದುಡಿಮೆಯೊಳು, ನಿನ್ಹಣೆಯ ಬೆವರಿನೊಳು||

- ಜಿ ಗಂಗಾಧರಯ್ಯ