ಅನುವಾದಿತ ಕವಿತೆ - ಝರಿ

(Alfred Tennyson ರವರ  THE BROOK ಕವನ)

ಪೊದೆಯಿಂದೆಡ ತಾಕುವ ಜಲಪಕ್ಷಿಯ ತೆರದೊಳು,
ನಾನೊಮ್ಮೆಯೆ ನಪಾತ ಮಾಡುತ ಬರುತಿಹೆನು.
ಥಳಥಳಿಸುತ ಜುಣುಜುಣುಗುತ ಮೇಲಿನ ಪೊದೆಯೊಳು
ಕಣಿವೆಯನತಿವೇಗದಿ ಸೇರಲು ಬರುತಿಹೆನು|| ....1

ಗಿರಿಗಳು ಮುವ್ವತ್ತು ಭರದಲಿ ಇಳಿಯುವೆ
ಗಿರಿಶಿಖರದ ನಡುವೆಯೊಳ್ಜಾರುವೆನು.
ಹಳ್ಳೀಯಿಪ್ಪತೋದೇ ನಗರವ ದಾಟುವೆನು,
ಮತ್ತೊಂದೈವತ್ಸೇತುವೆಯಲಿ ನಾ ತೂರುವೆನು|| ....2

ಮಾದೇಗೌಡನ ಬಯಳೊಳು ಹರಿಯುತ,
ಕಡೆಯೊಳು ನದಿಯನು ಸೇರುವೆನು.
ಜನತೆಯು ಬರುವುದು, ಜನತೆಯು ನಡೆವುದು
ಅನ್ವರತಾ ನಾ ಹರಿಯುವೆನು||....3

ಮುಮ್ಮಡೆ ವೇಗದಿ ಹರಿಯುತಲೊಂಂಎ 
ನಿನಾದಗೈಯುವೆ, ಕಲ್ಲಿನೊಳು.
ಬುದ್ಬುದಗೈಯುವೆ ಕೊಲ್ಲಿಯ ಸುಳಿಯೊಳ್-
ಗುಗುಳ ನಾದವ ಬೆಣಚಿನೊಳು||  .....4

ಸವೆಸುವೆ ಬಾಗಿದ ತೀರವ ಕೊರೆಯುತ;
ಉಳುಮೆಯ ಬಯಲಲಿ ಹರಿಯುವೆನು.
ಮೋಹಿನಿ ನೆಲೆಸಿಹ ನಾಡಿನ ಕಳೆಯನು
ನಯವಾಗರಿಯುತ ತೊಳೆಯುವೆನು||....5

ಜುಳುಜುಳು ನಾದದಿ ಮೊರೆಯುತ ಹರಿವೆನು
ಕಡೆಯೊಳು ನದಿಯನು ಸೇರುವೆನು.
ಜನತೆಯು ಬರುವುದು, ಜನತೆಯು ನಡೆವುದು
ಅನವರತಾ ನಾ ಹರಿಯುವೆನು||....6

ಸುತ್ತುವೆ ಒಳಗಡೆ, ಸುತ್ತುವೆನೊರಗಡೆ
ವಿಕಸಿಸುತಾ ನಾ ತೇಲುವೆನು.
ಅಲ್ಲಲ್ಲಿರುತಿಹ ಕೊಬ್ಬಿದ ಮೀನ್ಗಳ
ಉಲ್ಲಾಸದಾಟ ನೋಡುವೆನು||   .....7

ಪಯಣದ ವೇಳೆಯೊಳ್ ತೆಳಪೊರೆಯಾಗಿ,
ಬಿಳಿನೊರೆ ತೇಲುವುದಲ್ಲಲ್ಲಿ;
ಥಳಥಳ ಹೊಳೆಯುವ ಜಲ್ಲಿಯು ಬಾಗಿ
ಅಳುವೆಯೊ? ಜೊನ್ನದ ರೀತಿಯಲಿ:-||  ....8

ಕೊಚ್ಚುವೆನೆಲ್ಲವ, ಜೊತೆಯೊಳು ಹರಿಯುತ
ಕಡೆಯೊಳು ನದಿಯನು ಸೇರುವೆನು.
ಜನತೆಯು ಬರುವುದು, ಜನತೆಯು ನಡೆವುದು
ಅನವರತಾ ನಾ ಹರಿಯುವೆನು||....9

ಹರಿಯುವೆ, ಅರಿಯದೆ ಹಸುರಿನ ಬಯಲಿಗೆ;
ಜಿನುಗುವೆ ಮಂಜಿನ ಮುಸುಕಿನೊಳು;
ಪ್ರೇಯಸಿಯೊಂದಿಗೆ ನಲ್ಲನ ನಲವಿಗೆ
ಚಲಿಸುವೆ, ಬೆಳೆದಿಹ ಹಸುರಿನೊಳು.||  ....10

ಜಾರುವೆ, ಜಿನುಗುವೆ, ಮಬ್ಬಿನೊಳ್ ಮಿಣುಕುವೆ;
ಕಟ್ಟಿಹ ನೊರೆಯನು ಕರಗಿಸುವೆ.
ಕಿರಣದಿ ಹೊಳೆಯುವ ಮರಳಿನ ಗುಡ್ಡೆಯ
ಎದುರಲಿ, ಬಲೆಯೊಳು ನರ್ತಿಸುವೆ||.....11

ಬಾನಿನ ಚಂದಿಅರ ತಾರೆಯ ತಳದಲಿ;
ಅಡವಿಯೊಳ್ ಕಲರವಗೈಯುವೆನು.
ಕಲ್ಲರಳಡ್ಡಿಯ ಬಿಡಿಸಲು, ಬೆಳೆಯುತ
ತುದಿಯಲೆ ಸುತ್ತುತಲಲೆಯುವೆನು||   ....12

ಕಡೆಯಲಿ ಹೊರಳುತ ಬಾಗುತ ಹರಿಯುತ
ಕಡೆಯೊಳು, ನದಿಯನು ಸೇರುವೆನು.
ಜನತೆಯು ಬರುವುದು, ಜನತೆಯು ನಡೆವುದು
ಅನವರತಾ ನಾ ಹರಿಯುವೆನು||....13

(ಅನುವಾದ  - ಗಂಗಾಧರಯ್ಯ ಜಿ)

  

  

                                ಬ್ರಿಟಿಷ್ ಕವಿ ಆಲ್ಫ್ರೆಡ್ ಟೆನ್ನಿಸನ್