ಅನುವಾದಿತ ಕವಿತೆ - ಹುಡುಕಿ ಬಂದರು ಯಹೂದಿಯನು

ಮೊದಲಿಗೆ ಹುಡುಕಿ ಬಂದರು ಯಹೂದಿಯನು
ಧ್ವನಿಯೆತ್ತಲಿಲ್ಲ ನಾನು; ಏಕೆಂದರೆ
ನಾನಾಗಿರಲಿಲ್ಲ ಯಹೂದಿ

ಮತ್ತೆ ಹುಡುಕಿ ಬಂದರು ಸಮಾಜವಾದಿಯನು
ಧ್ವನಿಯೆತ್ತಲಿಲ್ಲ ನಾನು; ಏಕೆಂದರೆ
ನಾನಾಗಿರಲಿಲ್ಲ ಸಮಾಜವಾದಿ

ಮತ್ತೆ ಹುಡುಕಿ ಬಂದರು ಕಮ್ಯುನಿಸ್ಟರನು
ಧ್ವನಿಯೆತ್ತಲಿಲ್ಲ ನಾನು; ಏಕೆಂದರೆ
ನಾನಾಗಿರಲಿಲ್ಲ ಕಮ್ಯುನಿಸ್ಟನು

ಮತ್ತೆ ಹುಡುಕಿ ಬಂದರು ಕಾರ್ಮಿಕ ಸಂಘದವನನು
ಧ್ವನಿಯೆತ್ತಲಿಲ್ಲ ನಾನು; ಏಕೆಂದರೆ
ನಾನಾಗಿರಲಿಲ್ಲ ಕಾರ್ಮಿಕ ಸಂಘದವನು

ಈಗ ಹುಡುಕಿ ಬಂದರು ನನ್ನನು
ಒಂದೂ ಧ್ವನಿ ಬರಲಿಲ್ಲ; ಏಕೆಂದರೆ
ಧ್ವನಿಯೆತ್ತಲು ಉಳಿದಿರಲಿಲ್ಲ ಒಬ್ಬನೂ

- ಮೂಲ: ಪ್ಯಾಸ್ತರ್ ನಿಯೊಮಲರ್

ಅನುವಾದ: ಎಸ್.ಎನ್.ಸ್ವಾಮಿ