ಕವನ - ಸೋಲು –ಗೆಲುವು

ದಿನಕರನುದಯದಿ ಹರಿವುದು ತಿಮಿರವು ಭರದೀ
ಭ್ರಮರವು ಬಯಸುತ ಹಾರುವುದಾತುರದೀ|
ಮೊರೆಯುತ ಸ್ವಾಗತ ಗೀತೆಯ ಹಾಡುವ ಪಕ್ಷೀ
ಸಾರುತ ಬರುವುದು ಉದಯದ ರವಿಯಕ್ಷೀ||

ಸಮರವ ಮುಗಿಸುತ ಜಯದಿಂ ಬಂದಾ ರವಿಗೆ
ಜಯಮಾಲೆಯು ಬೆಲ್ವಕ್ಕಿಯು ಹಾರುವ ರೀತಿಗೆ|
ನಲವಿಂ ಕಿರಣದಿ ಹೊಳೆಯುತ ಬರುವಾ ರವಿಗೆ
ಕೆಂಬಣ್ಣವೇ ದಿಗ್ವನಿಯು ಹಿಡಿದಾ ದೀವಿಗೆ||

ಸಮರವು ನಡೆವುದು ತಿಮಿರಕು ರವಿಗೂ ದಿನವೂ
ಸೋಲೊಬ್ಬರಿಗೊಬ್ಬರಿಗಾಗುವುದೂ ಗೆಲುವೂ|
ಏರುವ ರವಿಯೇ ಸಾರುತ ಬರುವನು ಕಿರಿಯಾ
ತೋರಿಸಿ ಜಗಕೆ ಸೋಲಿನ ಬದುಕಿಗೆ ಗೆಲುವಾ ||

- ಗಂಗಾಧರಯ್ಯ ಜಿ