 |
| ಚಿತ್ರ ಕೃಪೆ: |
ಸರಿ ಹಾಗು ತಪ್ಪು ಎಂಬ ಪದಗಳು ಸರಿಯಾದ ವಿರುದ್ದಾರ್ಥಕ ಪದಗಳು. ನಾನು ಸರಿಯಾಗಿಯೇ
ನಡೆದುಕೊಂಡಿದ್ದೇನೆ ಎಂದು ಅರಿತುಕೊಳ್ಳುವ ಮೊದಲೇ ಬೇರೆಯವರು ಅದು ತಪ್ಪೆಂದು ನಮಗೆ
ಹೇಳಿರುತ್ತಾರೆ . ಆ ಸಂದರ್ಭದಲ್ಲಿ ಸಹಜವಾಗಿ ಇದು ಸರಿಯಾ? ತಪ್ಪಾ? ಎಂಬ ಗೊಂದಲದಲ್ಲಿ
ಬೀಳುತ್ತೀವಿ.
ಎಷ್ಟೋ ವಿಷಯಗಳು ಒಂದು ಜನಾಂಗದ ಪರವಾಗಿದ್ದರೆ, ಕೆಲವೊಂದು ವಿರುದ್ದವಾಗಿರುತ್ತವೆ. ಕೆಲವೊಂದು ದೇಶಗಳಲ್ಲಿರುವ ಜನರು ತಮ್ಮ ಸಂತೋಷಗಳಿಗಾಗಿ ಬದುಕುತ್ತಾರೆ . ಆದರೆ, ಭಾರತದಲ್ಲಿರುವ ಎಷ್ಟೋ ಮಂದಿ ತಮ್ಮ ಇಷ್ಟಗಳನ್ನು ಬೇರೆಯವರ ಬಲವಂತಕ್ಕೆ ಮಣಿದು ಅಥವಾ ಸಮಾಜಕ್ಕೆ ಹೆದರಿ ತ್ಯಜಿಸುತ್ತಾರೆ. ಏಕೆಂದರೆ, ನಮ್ಮ ಸಂಸ್ಕೃತಿ ಕೆಲವೊಂದು ಕಟ್ಟು ಪಾಡುಗಳನ್ನು ಪಾಲಿಸಿಕೊಂಡು ಬಂದಿದೆ . ಕೆಲವೊಂದು ವಿಷಯಗಳಿಗೆ ವೈಜ್ಞಾನಿಕ ಕಾರಣವೂ ಇದೆ.
ಮನುಷ್ಯನ ಪರಿಸರ ಅವನ ಸರಿ – ತಪ್ಪುಗಳ ಕಂಡುಕೊಳ್ಳುವಿಕೆ ಮೇಲೆ ತುಂಬ ಪರಿಣಾಮಕಾರಿಯಾಗಿದೆ. ಯಾವುದೇ ವಿಷಯವನ್ನು ಮನುಷ್ಯನ ಮನಸ್ಸು ಇದು ಸರಿ ಅಥವಾ ತಪ್ಪು ಎಂದು ನಿರ್ಧರಿಸುವುದು, ಅವನು ಸೃಷ್ಟಿಕೊಂಡಿರುವ ರೀತಿ ನಿಯಮಗಳು ಹಾಗು ಬೆಳೆದು ಬಂದಿರುವ ಪರಿಸರದ ಮೇಲೆ ಅವಲಂಬಿತವಾಗಿರುತ್ತದೆ .
ನಮ್ಮ ಭಾರತದಲ್ಲಿ ಬಲಗೈಗಿರುವ ಮಹತ್ವ ಎಡಗೈಗೆ ಇಲ್ಲ. ಎಡಗೈಗೆ ಕೆಲವೊಂದು ಸಂಧರ್ಭಗಳಲ್ಲಿ ಬಳಸುವುದು ತಪ್ಪು ಎಂಬ ಕಲ್ಪನೆ ಇದೆ . ಆದರೆ ವಿದೇಶಗಳಲ್ಲಿ ಎರಡು ಕೈಗಳಿಗೆ ಸಮನಾದ ಮಹತ್ವವಿದೆ. ಕೈಗಳಲ್ಲಿ ಹೇಗೆ ಅಸಮಾನತೆ ತೋರಿಸುತ್ತೇವೋ ಹಾಗೆಯೇ ಭಾರತದಲ್ಲಿ ಲಿಂಗ ಅಸಮಾನತೆಯೂ ಇದೆ . ಹಿಂದಿನ ಕಾಲದಲ್ಲಿ ಹೆಣ್ಣುಮಕ್ಕಳು ಓದುವುದು ತಪ್ಪು ಎಂದು ಭಾವಿಸಲಾಗಿತ್ತು. ಆದರೆ ಈಗಿನ ವ್ಯವಸ್ಥೆಗೆ ಅದು ಹೋಲಿಕೆ ಮಾಡಿ ನೋಡಿದಾಗ ಹೆಣ್ಣು ಮಕ್ಕಳನ್ನು ಓದಿಸುವುದು ಸರಿಯೆಂದು ಬದಲಾವಣೆಯಾಗಿದೆ. ಇಲ್ಲಿ ಒಂದು ಗಮನಿಸಬೇಕಾದ ಅಂಶ ಏನೆಂದರೆ ಹೆಣ್ಣು ಮಕ್ಕಳು ಓದಿನ ವಿಷಯ ‘’ತಪ್ಪಿನಿಂದ ಸರಿಯೆಂದು’’ಬದಲಾವಣೆ ಆಗಲು ಅದರ ಹಿಂದೆ ಎಷ್ಟೋ ಜನರ ಪರಿಶ್ರಮವಿದೆ.
ಧರ್ಮಗಳ ಸರಿ ತಪ್ಪುಗಳು;
ಮುಸ್ಲಿಂ ಧರ್ಮದಲ್ಲಿ, ವಿಗ್ರಹ ಪೂಜೆ ತಪ್ಪು ಹಿಂದೂ ಧರ್ಮದಲ್ಲಿ ಅದು ಸರಿ . ಬೇರೆ ಧರ್ಮಗಳಲ್ಲಿ ಗೋಮಾಂಸ ತಿನ್ನುವುದು ಸರಿ, ಆದರೆ ಹಿಂದೂ ಧರ್ಮದಲ್ಲಿ ಅದು ತಪ್ಪು. ಗೋವನ್ನು ದೇವರಂತೆ ಪೂಜಿಸುವರು. ‘’ಒಂದು ವೇಳೆ ಮನುಷ್ಯ ತನ್ನನ್ನು ತಾನು ಇವೆಲ್ಲ ಧರ್ಮಗಳಿಂದ ಬಿಡಿಸಿಕೊಂಡು ಹೊರಗೆ ನಿಂತು ನೋಡಿದಾಗ ಯಾವುದು ತಪ್ಪು ಯಾವುದು ಸರಿ?’’.
ಕೆಲವೊಂದು ದೇಶಗಳು ಸರಿ ತಪ್ಪುಗಳನ್ನು ಪಾಲಿಸುತ್ತವೆ -
• ಹೋಟೆಲ್ ಗೆ ಹೋದಾಗ ನಮಗೆ ಬೇಕಾದ್ದೆಲ್ಲಾ ತಂದು ಕೊಟ್ಟು ನಮ್ಮ ಟೇಬಲ್ ಮೇಲೆ ಇಡುವ ವೈಟರ್ಗೆ ಟಿಪ್ಸ್ ಕೊಡುವುದು ಸರಿ ಎಂದು ನಾವು ತಿಳಿದುಕೊಂಡಿದ್ದರೆ, ಜಪಾನಿನಲ್ಲಿ ಅದು ತಪ್ಪು ಟಿಪ್ಸ್ ಕೊಡುವುದು ವೈಟರ್ನನ್ನು ಕೆಳ ಸ್ಥರದಲ್ಲಿ ನೋಡಿದಂತಾಗುತ್ತದೆ.
• ಆಹಾರವನ್ನು ಉಳಿಸಿ ಹಾಳು ಮಾಡದೆ ಎಲ್ಲವನ್ನು ತಿನ್ನುವುದು ಸರಿ ಎಂದು ನಾವು ತಿಳಿದುಕೊಂಡಿದ್ದರೆ,ಚೀನಾ ದೇಶದಲ್ಲಿ ಅದು ತಪ್ಪು ಸ್ವಲ್ಪವಾದರೂ ಆಹಾರವನ್ನು ತಮ್ಮ ತಟ್ಟೆಯಲ್ಲಿ ಉಳಿಸುವುದರಿಂದ ಅಡುಗೆ ಮಾಡಿದವನಿಗೆ ಕೃತಜ್ಞತೆ ಸಲ್ಲುಸುವುದೆಂದು ಭಾವಿಸಿದ್ದಾರೆ .
ಹೀಗೆ ಕೆಲವೊಂದು ದೇಶಗಳು ಸಮುದಾಯಗಳು ಕುಟುಂಬಗಳು ತಮ್ಮದೇ ಆದ ಸರಿ ತಪ್ಪುಗಳು ಎಂಬ ಹಣೆಪಟ್ಟಿಗಳನ್ನು ಅಂಟಿಸಿಕೊಂಡಿರುತ್ತಾರೆ. ಆದರೆ ಮನುಷ್ಯನಾದವನು ಕಾಲಕ್ಕೆ ತಕ್ಕ ಹಾಗೆ ತನ್ನ ಸರಿ ತಪ್ಪುಗಳನ್ನು ತಿದ್ದಿಕೊಳ್ಳುತ್ತಾ ಯಾವುದೇ ಒಂದು ಸಮುದಾಯದ ಅಥವಾ ದೇಶಗಳ ಸರಿ ತಪ್ಪುಗಳ ಅಂಟುಪಟ್ಟಿಯನ್ನು ಅಂಟಿಸಿಕೊಳ್ಳದೆ, ಬೇರೆಯವರಿಗೆ ತನ್ನ ನಡತೆಯಿಂದ ಹಾನಿಯುಂಟು ಮಾಡದೆ ಬದುಕುವುದು ನನಗೆ ಸರಿಯೆನಿಸುತ್ತದೆ. ನಾನು ಹೇಳುತ್ತಿರುವುದು ಸರಿಯೋ ತಪ್ಪೋ ಎಂಬುದನ್ನು ದಯವಿಟ್ಟು ತಿಳಿಸಿ.
- ಲಕ್ಷ್ಮಿ ನವ್ಯ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ