ಅನುವಾದಿತ ಕವಿತೆ - ನನ್ನಮ್ಮನಿಗೊಂದು ಕಡೆಯ ಪತ್ರ

2014ನೆ ಇಸವಿಯಲ್ಲಿ  ಇರಾನಿಯನ್ ಅತ್ಯಾಚಾರ ಸಂತ್ರಸ್ತೆಯೊಬ್ಬರು ಅತ್ಯಾಚಾರಿಯನ್ನು ಕೊಂದ ಆರೋಪದ ಮೇಲೆ ಬಂದನಕ್ಕೆ ಒಳಪಟ್ಟು ಕೊನೆಗೆ ಗಲ್ಲು ಶಿಕ್ಷೆಗೆ ಗುರಿಯಾಗುವಳು.

ಶಿಕ್ಷೆ ಪ್ರಕಟವಾದ ಸಂಧರ್ಭದಲ್ಲಿ ಆಕೆ ತನ್ನ ತಾಯಿಗೆ ಬರೆದ ಪತ್ರದ ಸಾರಾಂಶ)

ಅಮ್ಮ, ನನ್ನಮ್ಮ, ನನ್ಪ ಪ್ರೀತಿಯ ಅಮ್ಮ

ನಾ ಇಂದು ಈ ಪತ್ರ ಬರೆಯುವ ಹೊತ್ತು

ಸರಪಳಿಗಳ ಹಿಂದೆ ಕುಳಿತಿಹೆನು
ಒಬ್ಬೊಂಟಿಯಾಗಿ ಸಾವನು ಎದುರು ನೋಡುತ್ತಾ

ನಾ ಪ್ರೀತಿಸಿದ ನನ್ನಮ್ಮನಿಗೆ

ಈ ಜಗವ ತೊರೆವ ಕೊನೆಯ ಕ್ಷಣದಲ್ಲಿ ಬರೆವ ಪತ್ರ

ನನ್ನ ಮನದಾಳದ ಇಂಗಿತವನ್ನು ಹೇಳುವುದೇ ಆದರೆ, 
ಈ ಹೊತ್ತು ನಿನ್ನೊಂದಿಗೆ ಕಳೆಯಬೇಕೆಂದಿದೆ ಮನ

ಕೈ ಹಿಡಿದು ಮುನ್ನಡೆಸಿ, ಕುಗ್ಗದೆ ಜಗವ ನೋಡುವ ಪರಿ ಹೇಗೆಂದು ಕಲಿಸಿದೆ ನೀನಂದು

ಮುಗ್ಗರಿಸಿ ಎಡವಿದಾಗ ಎಚ್ಚರಿಸಿ ದಾರಿ ತೋರಿ ಬದುಕುವುದ ಕಲಿಸಿದಾಕೆ ನೀ

ಇಂದು, ಈ ನಿನ್ನ ಮಗಳಾದರು ಜಗದ ಮುಂದೆ ಅಪರಾಧಿಯಾಗಿ ನಿಂತಿರುವಳು

ನನ್ನ ಮೇಲೆಗರಿದ ಕಾಮುಕನ ನಾ ಕೊಂದೆ ಎಂದು, 
ಎಲ್ಲರೆದುರು ನನ್ನ ಬೆತ್ತಲಾಗಿಸಿ, 
ನನ್ನ ಕಣ್ಣೀರನ್ನೂ ಲೆಕ್ಕಿಸದೆ ಅಪರಾಧಿಯೆಂದು ಜರಿದು

ನೀಡಿರುವರು ಮರಣದಂಡನೆಯ ಶಿಕ್ಷೆ

ನಾ ಬೇಡಿದೆ, ಕಾಡಿದೆ, 
ಕಾಲು ಹಿಡಿದು ಕಣ್ಣೀರಿಟ್ಟೆ, 
ಕೋಪೋದ್ರಿಕ್ತಳಾದೆ, 
ಕಾರಣ ಕೇಳಿದೆ, ನ್ಯಾಯ ಒದಗಿಸರೆಂದು

ಆದರೆ

ಕಣ್ಣಿಲ್ಲದ, ಕಿವಿಯಿಲ್ಲದ

ಮನವಿಲ್ಲದ ಜನರೆಂದರು

ನಾ ಬದುಕಬಾರದೆಂದು

ನಾ ಜಗದ ನಿಯಮ ಪಾಲಿಸದವಳೆಂದು

ಬದುಕಲು ಅರ್ಹಳಲ್ಲವೆಂದು

ಆದರೆ ಅಮ್ಮ, ನಾ ಕೇಳುವೆ

ನನ್ನ ರಕ್ಷಣೆಗೆ ನಾ ಕಾಮುಕನ ಕೊಂದದ್ದು ತಪ್ಪೆ, 
ಅದಕೆ ಈ ಶಿಕ್ಷೆಯೆ

ನನ್ನ ನೋವು, ಯಾತನೆ, ಕೂಗು ಯಾಕೆ ಕೇಳಿಸಲಿಲ್ಲ ಆ ಮಂದಿಗೆ

ನಾ ಹೆಣ್ಣಲ್ಲವೇ, ನಾ ಮನುಜಳಲ್ಲವೇ 

ನನಗೆ ಬೇಡವೇ ನ್ಯಾಯ

ನನಗಿಲ್ಲವೇ ಜೀವನ

ನನಗಿಲ್ಲವೇ ಆತ್ಮ ಗೌರವ

ನಾ ಮಾಡಿರುವುದು ತಪ್ಪಲ್ಲವೆಂದು ಹೇಳುವೆಯಲ್ಲವೇ ಈ ಜಗಕೆ, 

ಕ್ಷಮಿಸಿವೆಯಾ ಈ ನಿನ್ನ ಮಗಳ ಕೊನೆಯ ಬಾರಿಗೆ

ಕ್ಷಮಿಸುವೆಯಾ 

- ಗಿರಿಜಾ ಕೆ ಎಸ್