ಗೋಡೆಗೆರಚಿದ ಚಹಾ
ವರ್ಣ ಕಾರಂಜಿ!
ಒತ್ತಡದ ಒದ್ದಾಟ
ನವರಸದ ಊಟ!
ಮತ್ತದೇ ಅನುನಯ
ಹಾಡಿದ್ದೇ ಹಾಡು!
ನೀನೋ ಕ್ಷಮಯಾ ಧರಿತ್ರಿ!
ದಿವ್ಯರೂಪಳು ನೀನು!
ಬೆಳ್ಳಗಿನ ಬಿಳಿಯ ತೊಗಲಿನ
ಬಿಳಿಯ ಕಾಗೆಯು ಅವನು!
ಕೆನ್ನೆಗೇರಿದ ಕೈಯ
ಪಡಿಯಚ್ಚು ಮೊಗತುಂಬ!
ಮತ್ತದೇ ಮದರಂಗಿ
ಮನದಲ್ಲಿ ರಾಗ!
ಬಿಸಿಲ್ಗುದುರೆಯ ಮೇಲೆ
ಜೀವನದ ಓಟ!
ಅರಿತು ನಿಂತಾಗ ನಿನ್ನ
ಹೊಸ ದಿಕ್ಕು, ಹೊಸ ಪಯಣ!
ಮೋಡ ಸರಿಸಿಹ ತಾರೆ ನೀನು!
*******
ಬಾಹು ಬಂಧನದಲಿ
ಬಿಗಿದಪ್ಪಿ, ಒಪ್ಪಿ
ನುಡಿದ ಸೊಲ್ಲದು
ಅಲ್ಲ, ನಿತ್ಯ ಸತ್ಯ!
ಜೀವನದ ವಾಸ್ತವದಿ
ಹಿತ ಬಯಸಿ
ನಿಲುವವನು
ನಿತ್ಯ ಸಂಗಾತಿ!
ಹಳೆಯ ಮೌಢ್ಯವು ಸಾಕು
ಪತಿ ಕಾಯ್ವ ಸತಿ ನೀನು
ಮೌನ ಗೌರಿಯೆ ನೀನು
ಮಾತನಾಡು!
ಮುದ್ದಿನರಗಿಳಿ ನೀನು!
ಸುಖದ ಸೌಭಾಗ್ಯ ನೀನು
ನಿನ್ನಾತ್ಮ, ನಿನ್ನಿರವು ಅವನವಲ್ಲ!
- ಸಂಧ್ಯಾ ಪಿ ಯಸ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ