ಒಂದು ರಾತ್ರಿ ಮೌನವಾಗಿ
ಮನೆಮಠ ಮಡದಿ ಮಕ್ಕಳ
ತೊರೆದು
ಸತ್ಯಾನ್ವೇಷಣೆಯಲಿ
ತೆರಳಿಬಿಡುವುದು
ಸುಲಭ
ಏಕೆಂದರೆ
ಯಾರೂ ನಿಮ್ಮತ್ತ
ಬೆರಳು ಮಾಡುವುದಿಲ್ಲ
ಹೆಚ್ಚೇನು ಪ್ರಶ್ನೆಗಳ
ಕೇಳುವುದಿಲ್ಲ
ಯಾವ ಅಪನಿಂದೆಯೂ ಬಾರದು
ಶಬ್ದದ ಬಾಣಗಳಿಂದ
ದೇಹ ಮನಗಳ ಘಾಸಿಗೊಳಿಸುವುದಿಲ್ಲ ಯಾರೂ
ಆದರೆ
ಎಂದಾದರೂ ಆಲೋಚಿಸಿದ್ದೀರಾ
ಅವರ ಸ್ಥಾನದಿ ಸ್ತ್ರೀಯೋರ್ವಳಿದ್ದಿದ್ದರೆ
ಮೌನವಾಗಿ ಹೊರನಡೆದಿದ್ದರಾಕೆ
ಒಂದು ರಾತ್ರಿ
ಮನೆಮಠ ಪತಿ ನವಜಾತ ಶಿಶುವ
ತೊರೆದು
ಸತ್ಯಾನ್ವೇಷಣೆಗಾಗಿ
ನಂಬುತ್ತಿದ್ದರೆ ಯಾರಾದರೂ
ಅವಳ ಈ ಮಾತನ್ನು
ಚಾರಿತ್ರ್ಯವಧೆಯ ಆತಂಕವಿರುತ್ತಿತ್ತು
ಅವಳ ಸ್ತ್ರೀತ್ವವನ್ನು
ಅಪಮಾನಗೊಳಿಸಲಾಗುತ್ತಿತ್ತು
ಇಡೀ ಸಮಾಜವೇ ಒಂದಾಗಿ
ಅವಳ ವಿರುದ್ಧ
ಎದ್ದುನಿಲ್ಲುತ್ತಿತ್ತು
ಮತ್ತು
ಇದು ಅವಳ ಸತ್ಯಾನ್ವೇ಼ಷಣೆಯ ಕಥೆಯಾಗುತ್ತಿತ್ತು
ಬುದ್ಧನಾಗುವುದು ಸುಲಭ
ಆದರೆ ಸ್ತ್ರೀಯಾಗುವುದು ಕಠಿಣ!!
- ಸುಧಾ ಜಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ