ಅನುವಾದಿತ ಕವಿತೆ - ಅಪೂರ್ವ ಹೆಣ್ಣು

ಸುಂದರಿಯರಿ

ಗೆಲ್ಲರಿಗೊಂದಚ್ಚರಿ

ನಾ ಏಕೆ ಎಲ್ಲರ 

ಕಾಡುವೆನೆಂದು, 

ಅಂತ ಸೊಬಗು 

ನನ್ನಲಿ ಎನಿದೆಯೆಂದು?

ನಾನೋ ಚಲುವೆಯೊ

ಮಾದಕದರಸಿಯೋ ಅಲ್ಲ..

ಎಂದಾಗ.......... 

ತೋಳುಗಳೊಮ್ಮೆ

ನಿತಂಬಗಳೊಮ್ಮೆ

ಬೀಸುಗಾಲಿನ ಹೆಜ್ಜೆಗಳ

ಕೊಂಕುನಗುವಿನ ತುಟಿಗಳ

ಕಡೆಗೊಮ್ಮೆ ನೋಡುತ್ತಾರೆ.

ಸಾಧಾರಣದಲ್ಲಿನ

ತುಂಬು ಹೆಣ್ಣತನವನ್ನು

ನಾ ಯುವತಿಯಷ್ಟೆ.  

ನಿನ್ನಷ್ಟೆ ಸರಳವಾಗಿ

ಒಳಬಂದ ಕೋಣಿಯೊಳು

ಕಂಡಾಗ ನನ್ನ, 

ಅವನು

ಮಂಡಿಯೂರುತ್ತಾನೆ.

ಕಂಪಿಸುತ್ತಾನೆ.

ಮಧುವ ಹೀರುವ ದುಂಬಿ

ಬಾಗಿ ಕುಸುಮವ ಕೇಳಿದಂತೆ

ನನ್ನಾತ್ಮದ ಸಂಧಿಯ

ಬಿಚ್ಚಿತೋರಿದರು

ಅವ ಮೂಸುವುದಿಲ್ಲ.

ಆಘ್ರಾಣಿಸುವುದು ಇಲ್ಲ.

ಕಾಣುವುದು ಇಲ್ಲ.

ನಾ ಏನೆಂದು?

ಸುಡುವ ಕಾಮನೆಯ 

ಕಂಗಳಲಿ

ಬಯಕೆಯುಕ್ಕಿಸುವ ನಗುವಿನ ಹೊಳಪಿನಲಿ

ಹೊರಳುತ್ತಾನೆ

ಪಾದದ ಅಡಿಗಳಲಿ.

ನಾ ಯುವತಿಯಷ್ಟೆ.

ಅವರಿಗೆಲ್ಲ ಒಂದಚ್ಚರಿ

ತಾವು ಕಂಡಿದ್ದೇನು?

ಬಯಸಿದ್ದೇನು?

ಪಡೆದಿದ್ದೇನು?

ನಾ ಹೇಳುತ್ತಲಿದ್ದೆ.......

ಬಳುಕಿದಂತ ಬೆನ್ನ ಹುರಿ

ಬೆಳಗಿನಂತ ನಗು

ಉಸಿರನ ಏರಿಳಿತದ 

ಮೊಲೆಗಳ ನಡುವೆ

ನಿನಗೆ ಹೊಳೆದಿಷ್ಟೆ

ನಾ ಹೆಣ್ಣೆಂದಷ್ಟೆ

ನನ್ನ ಬಿಗುಮಾನದ ನಡಿಗೆ

ನಿಮ್ಮೊಳಗೊಂದು

ಹೆಮ್ಮೆಯ ಪುಳಕಗಳ ಬಿಚ್ಚುತ್ತದೆ.

ನನ್ನ ಬಿಚ್ಚುಗೂದಲಿನ

ವೈಯಾರದಲಿ

ಮೃದು ಪಾದದ

ಹಿಮ್ಮಡಿಯ ಓಲಾಟದಲಿ

ಗುಟುರುಗಳಿಲ್ಲದೆ ಹೊರಟಾಗ

ನಿಮಗನಿಸುತ್ತದೆ ನಾ 

ಅದ್ಭುತ ಹೆಣ್ಣೆಂದು.

ಮೂಲ - ಮಯಾ ಆಂಜೆಲೋ 

ಅನುವಾದ - ಸವಿತಾ ರವಿಶಂಕರ್