ಚುಟಕಗಳು

ಚುನಾವಣೆ

ಬಂದಿದೆ ಎಂದಿನಂತೆ ಚುನಾವಣೆ

ಸಿಗಬೇಕೆಂದು ತಮಗೆ ಮನ್ನಣೆ 

ನಡೆಸುವರು ತಮ್ಮ ತಮ್ಮಲ್ಲೇ ಸಂಚು ಚಿತಾವಣೆ

ಮಾಡಲು ಮತಗಳ ಆಕರ್ಷಣೆ

ಎಲ್ಲೆಲ್ಲಿಂದಲೋ ಮಾಡುವರು ಹಣ ಸಂಗ್ರಹಣೆ

ಇನ್ನಲ್ಲೋ ಆಗುವುದು ಅದರ ಚಲಾವಣೆ

ಯಾರೇ ಗೆದ್ದು ಬಂದರೂ ಬದಲಾಗದು ಜನತೆಯ ಬವಣೆ 

ಇದಕ್ಯಾರು ಆಗುವರು ಹೊಣೆ??

ಅಮ್ಮ 

ಅಮ್ಮಾ ಎಂಬ ಕಂದನ ಕರೆ

ಮಾಡುವುದು ಎಲ್ಲರ ಮನಸೂರೆ

ಹರಿಸುತ ಮಮತೆ ವಾತ್ಸಲ್ಯದ ಹೊಳೆ

ಕೊಡುವಳವಳು ಕಂದನಿಗೆ ಸುಂದರ ನಾಳೆ

ಬೆಳೆಸುವಳು ಕಂದನ ತುತ್ತು ಮುತ್ತು ಕೊಡುತ

ಮನದ ತನ್ನೆಲ್ಲಾ ನೋವುಗಳ ಮರೆಯುತ

ಕಲಿಸುವಳವಳು ಕಂದಂಗೆ ಸಂಸ್ಕೃತಿ

ತಿದ್ದಿ ಬೆಳಸುವವಳು ಕಂದನ ಮತಿ

ಅದಕ್ಕಾಗಿ ಆಶಿಸುವುದಿಲ್ಲ ಅವಳು ಬಿರುದು ಸನ್ಮಾನ

ಇದೋ ಮಾತೆ ನಿನಗೆ ನನ್ನಯ ನಮನ

      - ವಿಜಯಲಕ್ಷ್ಮಿ ಎಂ ಎಸ್