ಅನುವಾದಿತ ಕವಿತೆ - ಮೊಳೆಯ ನೇರ ಹೊಡೆಯಿರಿ

(ಅನುವಾದ – Drive the Nail Aright ಎಂಬ ಕವನ)

ಮೊಳೆಯ ನೇರ ಹೊಡೆಯಿರಿ

ತಲೆಯ ಮೇಲೆ ಬಡಿಯಿರಿ

ಕೆಂಪಾದಾಗ ಕಬ್ಬಿಣ

ಜೋರಾಗಿ ಬಡಿಯಿರಿ.

ನಿಮಗೆ ಕೆಲಸವಿದ್ದರೆ

ಸ್ವ ಇಚ್ಛೆಯಿಂದ ಮಾಡಿರಿ

ತುದಿಯನ್ನು ಮುಟ್ಟಲು

ಬೆಟ್ಟವನ್ನು ಹತ್ತಿರಿ.

ಕೆಳಗಡೆಯೇ ನಿಂತು ನೀವು

ಆಕಾಶ ನೋಡಬೇಡಿರಿ

ಹತ್ತುವುದು ಸಾಧ್ಯವೇ

ಕೈಕಟ್ಟಿ ನೀವು ಕುಳಿತರೆ.

ಕೆಳಗೆ ನೀವು ಬಿದ್ದರೂ

ಎದೆಗುಂದದಿರಿ ಮಕ್ಕಳೆ

ಮರಳಿ ಯತ್ನ ಮಾಡಿರಿ

ಗೆಲುವು ಎಂದು ನಿಮ್ಮದೆ.

[ಅನುವಾದ - ಸುಧಾ ಜಿ ]